إيه رأيكم؟؟؟؟؟؟؟؟؟؟؟؟؟؟؟

إيه رأيكم

1. في الترانيم اللي موسيقتها زي الأغاني؟
2. في التليفزيون، والأفلام والأغاني اللي فيه؟
يعني اللي مايتفرجش عليهم يبقى معقد؟
يا ريت اشوف إجاباتكم

ولو حد في دماغه سؤال يكتبه

فكرة موضوعك جميله يا ماري
برافو عليكي
و انا هقول رأيي
بس بصراحه

الترانيم اللي موسيقاها زي موسيقى الأغاني
(انتي كده جيتي في ملعبي)
انا شايف ان الموسيقى واحده لا تتغير هي عبارة عن بعض الحروف التى تكون جمل
التي عندما تقرأ عن طريق الفم او عن طريق آله موسيقية فهي تنتقل بترددات معينه الى الأذن ثم تنتقل منها الى المخ و يترجمها المخ الى نغمات و هو ما نسميه بالموسيقى
و قرائة النوته هي غنائها او ترنيمها
و كل هذه الكلمات هي مترادفات تؤدي نفس النتيجه في النهايه (بالنسبة للنوته الموسيقية).

و يجوز عند قراءة او غناء النوته او ترنيمها
ان تنطق بحروفها الأصليه أو تنطق بحروف اخرى
الحروف الأصلية (دو رى مى فا صول لا سي دو )

الحروف الأخري (أ ب ت ث ج ح خ د ذ ر ز س ش ...إلخ)

او حروف للغات اخرى مثل(A B C D E F G H I J K L M ...etc)

( أي لغة )

و عند نطق النغمات الموسيقية بحروف للغات أخرى غير حروفها الأصلية
فنحن نرفع حروف دو رى مي و نضع بدلاً منها ا ب ت ث او A B C

إيه رأيكم؟؟؟؟؟؟؟؟؟؟؟؟؟؟؟ 276940

كفايه عليكم كده عشان ما تتخنقوش مني ههههههههههههه
عايز اقول اني شايف انه عادي تغيير الكلمات على الموسيقى
من كلمات اغاني الى كلمات ترانيم دينية
طالما هي بعيدة عن اي سخريه
ده رأيي في النقطه الأولى
اما موضوع التلفزيون و الأغاني و الأفلام
محتاج اعرفه فعلا لأن الآراء فيه مختلفه وانا مش عارف ايه الصح
يا ريت تفيدوني
ميرسي اوي يا ماري الموضوع هاااااااااااااااااايل

أولا: الكلام اللي انت قولته في الأول ده معقد أوي وانا فهمته يعني بس مش أوي
ههههههههههههههههههههههه
ثانيا : فيه بعض الترانيم اللي كلماتها بتكون حلوة أوي فمش بنركز في نغمتها
بس كمان الموسيقى حاجة أساسية في الإحساس بالكلمات
يعني ممكن تكون موسيقى لبعض الترانيم التي لا تتناسب مع روحانيتها
والمفروض في الأول والآخر ان الترانيم دي صلاة
يبقى الأفضل ان الموسيقى تبقى هادية وروحانية

ثالثا : موضوع الأفلام والتليفزيون فأنا حاسة ان اللي مليان بربنا هيلاقي ان الحاجات دي هايفة وماتستاهلش انه يضيع وقته فيها

ميرسي يا نادر على ردك
واتمنى اشوف ردك تاني على اللي انا قولته
واشوف ردود بقية اخواتنا

شوفي يا ستي
الكلام اللي قولته في الأول لو صعب يبقى انتي يلزمك درسين موسيقى عندي
ابقي التحقي بالدروس وانا ابقى اشرحلك
هههههههههههههههههههههههه
و انا رأيي ان مش شرط ديما ان موسيقى الترانيم تكون هاديه
لأن في بعض الأحيان بنحتاج موسيقى ذات رتم سريع
للتعبير عن الفرح
زي ترانيم الميلاد و ترانيم الأطفال و ترانيم التمجيدات

الله
بحب اوى المواضيع لما تسخن كده ههههههههه
انا عن نفسى احب اقول بس فى الاول
انى مفهمتش حاجة من شرح نادر بردو هههههههههههه

نخش فى الجد بقى
انا مش بحب الترانيم اللى بحس ان نغمتها شوية وهنرقص سورى يعنى بس الترانيم فعلا صلاة نادر عنده حق لما قال فى ترانيم لازم الواحد يمون مهيص فيها
بس ان اشايفه ان الشىء اللى يزيد عن حده يتقلب لضده
ودلوقتى فى ترانيم متميزهاش عن الاغانى لدرجة ان بلاقى ناس بجد غير مسيحيين حاطين رانيم على الموبايل وفاكرينها اغانى حب !!!!!!!!

الترانيم لازم تكون معظمها ترانيم روحية هادية وموسيقتها تبقى رقيقة ومناسبة لجو صلاة
مش تبقى مناسبة لجو تانى ................ !!!!!!!!!!

وبالنسبة لسؤال التليفزيون وكده
كتير سألنا ابونا السؤال ده وقال
لو الحاجة اللى بتتفرجى عليها تقدرى تشوفيها والمسيح قاعد جمبك يبقى اتفرجى من هنا للصبح
اما لو بتتفرجى على حاجة مكسوفة ان المسيح يشوفها يبقى دى غلط وقومى واشغلى نفسك
وبعدين مالها القنوات الدينية؟؟؟؟؟؟؟؟؟؟
أينعم الواحد بيمل من التكرار وكده
بس بردو الى حد ما وجودها فرق معانا من عدمه ولا ايه؟

موضوع رائع ونا بحب المناقشات السخنة دى

انا مش عارف ليه كلامي مش مفهوم
هو هنا مش فاهمين و في المعهد مش فاهمين ؟؟!!!
يكونش العيب فيا يا بنات !!!!
هو انا ما بعرفش اشرح ولا ايه؟؟!!!!!!!!!
ما علينا
ردك فادني اوي يا مارلن و خصوصاً في موضوع التلفزيون و الأفلام ده
بجد ماكنتش لاقي اجابه بس الرد اللي ابونا قالهولك حلو اوي
ميرسي يا مارلن يا قمر
و ابقي انضمي للدرس الخصوصي بتاع الموسيقى بقى يمكن تفهمي
ههههههههههههههههههههه

عندك حق يا مرمورة
ان اللي يزيد عن حده يتقلب لضده وهو ده اللي انا كنت عايزة اوصله
يعني مثلا ترنيمة ياللي حولت المرارة بتاعة هايدي منتصر دي انا لما سمعتها دخلتها لماما تسمعها من غير ما اقولها دي اغنية ولا ترنيمة بس هي اول ما سمعتها قالتلي دي اغنية
وكمان انا استفدت من ردك على موضوع التليفزيون
والإجابة بتاعة ابونا جميلة اوي وجديدة
اخيرا بقى انا هاقول لنادر ان احنا مش فاهمين بس الغلط مش فينا الغلط في اللي بيشرح
ههههههههههه

ميرسي يا مارلن على ردك
ربنا يخليكي