لماذا لا يوجد القديس ابانوب اليوم؟ دعوة للنقاش

الموضوع كان نقاش فى جروب الاسرة المسيحية السعيدة عجبنى جدآ
وجبتة هنا لينا كلنا علشان نعرف رايكم فية

بعد متقراة
عايزين نعرف مع بعض
كنا بنفكر ازاى نربى ولادنا وبعد مقرينا الموضوع دة هل اكتشفنا اننا اهتمينا بالمادة والعلم ونسينا ربنا من دةولا كنا حطينة ضمن حسابتنا ؟

أحبائي جميع أعضاء الجروب وكل الشعب المحب للمسيح
أذكركم بقول الكتاب المقدس ((( من ثمارهم تعرفونهم )))
فحينما نقرأسيرة الشهداء القديسين وخاصة صغار السن منهم نجد عبارة مشتركة بين الجميع وهي
++++ ولد من أبوين مسيحيين -- (( كلنا كذلك ))
ربياة علي الاداب المسيحية ودرس الكتاب وعلوم الكنيسة (( كلنا !!!!!!!؟؟؟؟ ))
فنشأ هذا القديس و..و.. نال اكليل الشهادة
أو تنيح في شيخوخة صالحة
.. أو ترهب ..
أو صار من رجال الايمان مدافعا عن العقيدة
(( أين أولادنا الان من هؤلاء ؟؟؟؟؟؟؟؟؟ ))

أرجو
الا نعيب علي اطفالنا انهم جيل أجوف لأن من ثمارهم تعرفونهم فالموضوع
معطيات وسبب ونتيجة وجدت المعطيات والسبب فحتما توجد النتيجة فلنراجع
أنفسنا اين نحن ؟؟؟
هل نحن أسرة مسيحية فعلا ؟؟؟
الرب يبارك حياة الجميع +++
منقول

اللي انا شايفاه في الأيام دي ان كل واحد بيفكر انه ازاي يبني مستقبل ابنه المادي وانه يجوزه ويشوفه في مركز أرضي كبير وحاجات كلها أرضية

لكن نادرا لما اشوف اسرة مهتمة بحياة اولادها الروحية بل بالعكس دايما بيفضلوا المذاكرة والشغل والأرضيات عن ربنا والكنيسة والقداسات والروحيات عامة ، ولو حد من الأولاد فكر وراح يقول لأهله انه عايز يترهبن يبقى شبه انه بيطلب منهم .......مش عارفة، بس بيقع عليهم الكلام وقع الصاعقة وكأن ابنهم ده بيفكر يرتكب جريمة
وكمان دلوقتي رغم اننا شايفين الكنيسة مليانة بالشعب لكن نادرا لو لقينا حد من الشعب ده فعلا جوه الكنيسة بقلبه
دلوقتي الناس بعيدة اوي عن ربنا

نفسي كل واحد يراجع نفسه ويشوف هو فعلا عايش جوه الكنيسة؟زي الشهدا زمان ولا مجرد حضور جسدي؟
ونفسي كمان كل واحد يفكر انه يربي اولاده في مخافة ربنا
وكل اسرة مسيحية تمجد اسم ربنا والناس يشوفوا المسيح في بيتهم
" اسلكوا كأولاد نور "
ننور للعالم في وسط جيل معوج وملتوي
سوري اني طولت أوي

ميرسي يا ميرا على النقاش اللي انتي فتحتيه ده وعلى مجهودك في المنتدى
ربنا يعوضك يا حبيبتي

بجد ميرسى اوى اوى يا ميرو على رضك
عندك حق فى كل كلمة

كلنا حتى لما بنحلم ازاى هنربى ولادنا اول مبنكلم بنقول هندخلهم مداس اية ومش هنحرمهم من اية وهنجبلهم اية
لكن عمرنا مفكرنا ازاى نعلمهم مين يسوع ويحبوة من كل قلبهم كانة شخص ملموس معاهم فى حيتهم

بجد اتغيرت افكار كتير جوايا من بعد النقاش دة

ميرسى اوى اوى لرضك يا ميرو ولطريقة تفكيرك

ميرسي على الموضوع الجميل يا ميرا

عندك حق يا ميرا
للاسف كل ام واب اول ما ابنهم بيتولد اول حاجة بيفكروا فيها
ده هيخش مدرس ةايه وهيتصرف عليه منين وازاى؟
وهنعلمه ايه ولغات ايه والكلام ده
لكن فين ربنا من ده كله؟ فين الكنيسة؟
مافيش اى اهتمام
لدرجة ان فعلا فى اباء وانهات بيعاؤضوا ان ابنهم يروح مثلا الكنيسة ايام الدراسة او الامتحانات
قال يعنى الساعتين دول هما اللى هيضيعوا مستقبله
وقيسى على كده حاجات كتيرة جدااااااااااااااااااااااا
ولو الطفل مراحش قداس مش مهم مصلاش مش مهم مقراش انجيل مش مهم
بقى كل الاهتمام انهم يطلعوا ابنهم ناجح دراسيا وعلميا واخلاقيا
مع ان القاعدة العامة المعروفة ان بعيد عن ربنا ممكن يكون الانسان ناجح فى حاجة واحدة
لكن مع ربنا اكيد الانسان هيكون متفوق فى كل حاجة
بج دمش عارفة ايه السبب يا ميرا اللى وصلنا لكده
وصلنا ننزعج ونخاف من اقل اضطهاد لينا من فكرة ان حد هيترهبن
للاسف اتغيرنا اوووووووى
ياريت نرجع زى زمان زى اباء وامهات القديسين والشهداء دول اللى كانوا يفرحوا ويتمنوا يقدموا ولادهم للمسيح

ميرا بجد الموضوع رائع زى كل مواضيعك
ميرسى يا توتى واحشانى ربنا يعوضك

العفو يا نادر كنت اتمنى اعرف رايك اية بردو بس بردو نورت الموضوع ميرسى ليك

ميرسى يا مرمروة فعلا هو دة اللى كان بيقصدة اللى كتب الموضوع دة
ان مفيش دقلوقتى القديس ابانوب لان مفيش اب وام تاقين وبيحبوا ربنا بالشكل دة زى امهات واباء زمان

ميرسى ليكى على رضك الجميل دة
وانت بجد وحشتينى اوى انتى كمان

انا ما قولتش رأيي في الموضوع ده لأني شايف
ان ردي ممكن يكون غير تقليدي
عالعموم انا رأيي ببساطه...
ان كل واحد من حقه يخاف على اولاده اغلى شيء في حياته
و يهتم بيهم و يدخلهم مدارس لغات خاصه
و يجبلهم احلى و اغلى واشيك لبس
و يفكر في مستقبلهم المادي كمان
وكل ده لا يمنع ان يكون المسيح موجود في كل حياة تلك الأسره.

اما بالنسبه للأهتمام بالناحية الدينية عند الأبناء
فقد سمعت قداسة البابا شنوده الثالث
يقول ما معناه
ان الناجح دراسيا ناجح روحياً
اذا تأملنا تلك الكلمات
نجد انه الأنسان الناجح في كل شيئ
يكون ناجح نفسياً ايضا و بالتالي روحياً
اما الشخص الفاشل في كل شيئ
اكيد المسيح بعيد عنه عشان كده انهارت حياته للفشل
فهيا لنوفر لأبنائنا الحياة السليمه في كل شيئ
لنجعلهم ناجحين في حياتهم
و بالتالي ناجحين روحياً ايضاً
و نعلمهم ان المسيح لابد ان يدخل في كل شيئ
في حياتهم لتنجح حياتهم.

لماذا لا يوجد القديس ابانوب اليوم؟ دعوة للنقاش 694826

لماذا لا يوجد القديس ابانوب اليوم؟ دعوة للنقاش 694826

أيوة يا نادر بس البابا شنودة قال عكس كده
يعني قال اللي ناجح روحيا ناجح في باقي مجالات حياته اجتماعيا ، دراسيا ، نفسيا ،.....
ومش غلط ان الأهل يهتموا بأولادهم وكل اللي انت قولته ده بس مش نهتم بالحياة على الأرض ونسيب بقية حياتهم من غير حتى مانفكر فيها

يعني كده يبقى بنملى كوب الحياة الأرضية وكوب الحياة الأبدية سايبينه فاضي ولما يروحوا الأبدية مايلاقوش حاجة يقابلوا بيها ربنا

وكمان في حاجة
احنا مش المفروض نرمي كل حاجة على الأهل
لأن الأولاد كمان ليهم دور
فممكن الأهل يهتموا ويعلموا أولادهم الروحيات وكل ده والأولاد هم اللي يكونوا رافضين كده وهما اللي يبعدوا عن ربنا رغم ان أسرتهم بتحب ربنا وقريبة منه جدا وبتعلمهم دايما الحياة المسيحية

ميرسي يا ماري على ردك عليا
و توضيحك ده فادني كتير
وانا قريته اكتر من مره عشان اركز فيه و افهمه.

انا قولت بلاش انا اتناقش في الحاجات دي
مش بفهم فيها
بس ميرا كسفتني
هههههههههههههههههههههههههههه

العفو يا نادر
ويا ريت فعلا نكون ولاد ربنا بجد مش مجرد اننا نروح الكنيسة ومانستفادش حاجة

ونحاول نملا كوب الحياة الأبدية زي مابنهتم بكوب الأرضيات